Joh 5 | ENQ | STEP | Maitakao Jutamanya yuu gii epe etete mende epeamopa Jisasa baa Jetusaleme pea.

a5:2Nia 3:1, 12:39

b5:8Mt 9:6; Mk 2:11; Lu 5:24

c5:10Eke 20:8; Nia 13:19; Jet 17:21; Mk 2:24; Lu 13:14; Jo 7:23, 9:14

d5:14Mt 9:2, 12:45; Mk 2:5; Jo 8:11

e5:15Mt 12:8

f5:16Mt 12:14; Jo 7:23

g5:17Jo 9:4

h5:18Mt 12:14, 26:4; Jo 7:1,19,25,30, 10:30,33, 11:53

i5:19Jo 5:30, 8:28-29, 14:10

j5:20Jo 3:35, 14:12

k5:21Dit 32:39; 1 Sam 2:6; 2 Kiŋ 5:7; Jo 3:35, 5:27, 11:25; Lo 4:17, 8:11; Ep 2:5

l5:22Dan 7:10; Jo 3:17, 5:27, 9:39; Ap 10:42

m5:23Lu 10:16; Pl 2:10-11; 1 Jo 2:23

n5:24Jo 3:15-18, 8:51, 10:27, 18:37; 1 Jo 3:14

o5:25Mt 8:22; Jo 8:51, 10:16, 11:25-26

p5:26Jo 3:35, 6:57; 1 Jo 5:11

q5:27Dan 7:13,22; Mt 9:6; Jo 5:22; 2 Ko 5:10

r5:28Jo 11:43-44

s5:29Dan 12:2; Mt 16:27; Jo 6:40, 11:24; 1 Ko 15:52

t5:30Jo 4:34, 5:19, 6:38, 8:16

u5:31Jo 8:13-14

v5:321 Jo 5:9

w5:33Mt 11:7-11; Jo 1:19-28, 3:27-30

x5:34Jo 8:18

y5:35Lu 3:10-14; Jo 1:8

z5:36Mt 11:4; Jo 3:2, 10:25,38, 14:11

aa5:37Mt 3:17; Mk 1:11; Lu 3:22; Jo 5:32, 6:44-45, 8:18; 1 Jo 5:9

ab5:38Jo 8:37; 1 Jo 2:14

ac5:39Lu 24:27,44; Jo 1:45, 2:22, 5:47, 7:52, 8:56, 12:16,41, 19:28, 20:9; Ap 13:27, 17:11-12; 2 Ti 3:15-17; 1 Pi 1:10-11

ad5:401 Te 2:6

ae5:421 Jo 2:15, 3:17

af5:43Mt 24:5,24

ag5:44Mt 6:1; Jo 12:43; Lo 2:29; 1 Ko 4:5; 1 Te 2:6

ah5:45Dit 31:26-27; Jo 9:28

ai5:46Dit 18:15; Lu 6:29,31; Jo 5:39; Ap 3:22

John 5

Jisasame akali yaina pyapae mende endaki Beteseta pete dokonya mee injisiamo doko

1 Maitakao Jutamanya yuu gii epe etete mende epeamopa Jisasa baa Jetusaleme pea. 2 Jetusaleme ^a dokonya lome kambu sipisipi lenge dosa endaki pete mende silyamo doko, Iputu pii lao kenge doko Beteseta lengema. Dokonya anda yuungi petae katenge. 3 Anda dutupanya endakali lenge koopi, moko koopi, papa tambotaepi, yaina pyapae longo dupa singima. [Dupame endaki buli pyatamo doko malisoo singima. 4 Endaki pete dokonya paa mendepa Kamongo Gotenya enjele mende pyakatala endaki pete doko minao buli pingi. Dopa peta pilyamopa endakali yaina pyapae silyami dupanya mende wambao endaki pete dokonya pyakanelyamopa yaina tata tata pilya dupa pitaka mee jakamaingi.] 5 Akali mende yainaka silyamopa ee kana kingi ita tepo-kisa dee tukulapo patae mende ongonya sia. 6 Jisasame akali doko yuu wamba waka yaina sia lamo lao kandatala baa pisoo, “Emba mee jipu laka lao masilipi?” lea. 7 Dopa leamopa akali yaina dokome yanu pyao, “Akali Andake, endaki doko buli pilyamo dokopa namba nyoo pyandata mende nakatenge. Namba tangeme paanya pilyo dokopa mendeme namba nyoo maita pyatala baa wambao pyakengena,” lea. 8 Jisasame ^b baa lamaiyoo, “Emba sakata! Sakatatala embanya lapa toko doko nyoo soo puu,” lea. 9 Dokopa lee mendai akali dokonya yaina doko mee julu peteamopa, baanya lapa toko doko nyoo soo pea.

Dopa piamo doko, Sambasa gii mendenya pia. 10 Tenge ^c dokonya Juta dupame akali yaina mende mee jiamo doko lamaiyoo, “Indupa Sambasa dakenya embame embanya lapa toko doko soo napayapengena,” leami-pyaa. 11 Dopa leaminopa baame yanu pyao, “Namba mee injisipumu akali dokome namba langyoo, ‘Embanya lapa toko doko nyoo soo puu,’ laamona,” lea-pyaa. 12 Dokaitame baa pisoo, “Apimi nyoo soo puu laape?” leami-pyaa. 13 Akali dokome baa mee jakamaiyamo doko apimi kanjope lao masala naya-pyaa. Doko, endakali longo kambu pyao yuu dokonya kateaminosa, Jisasa baa elyakao kolala pea.

14 Maitakao ^d Jisasame losuu anda andake kame dokonya akali doko kandatala lamaiyoo, “Kandeleno, indupa emba mee jetelenona, emba-kisa kenda pipae andake mende ipatana dee koo mende napipi,” lea. 15 Dokopa ^e akali dokome pupala baa mee injisiamo doko Jisasana lao Juta dupa lamaiya-pyaa. 16 Dopa ^f piamo doko Jisasame Sambasa mendenya dopa piamosa Juta dupame Jisasa watao pyao kateami. 17 Dopa ^g piaminoaka doko, Jisasame dupa lamaiyoo, “Nambanya Takangeme indupa apata kalai pyoaka kalyamo dokopa nambame apata kalai pingiakana,” lea. 18 Dopa ^h leamopa dupame Jisasa pyao kumasemana lao etete masiami. Doko, baame Sambasa gii doko iki yalala naenya, baame Gote baanya Takange etetena lapumu dokome baa Gote yale jilyamona latala dopa lao masiami.

Ikiningi doko-kisa pupu lapae singi doko

19 Dokopa ⁱ Jisasame yanu pyao dokaita lamaiyoo, “Nambame nyakama etete kiningi langilyona, Ikiningi dokome iki moname masoo mendita mende kapa pao pyaa naenge. Daa, baame kandelyamopa Takangeme mende pilyamo dokoaka pingi. Takangeme pingi dupa Ikiningi dokome apata pingiaka. 20 Doko, ^j Takangeme Ikiningi doko auu kayapala baa tangeme pilyamo dupa pitaka Ikiningi doko laitaka pingi. Nyakamame kandatala mona andalapale lao baame kalai dutupa ita minao kalai etete andake mendapua baa laitaka pita. 21 Takangeme ^k endakali kumapae dupa sakatasetala lete katasingi dopaka pyoo Ikiningi dokome apata masilyali pyoo endakali dupa lete katasingi. 22 Dee ^l Takange dokome endakali mende yapala naenge. Endakali yapenge kalai doko pitaka Ikiningi doko-kisa baame setea. 23 Baame ^m dopa piamo doko, Takange doko lalyingili pyoo endakali dupa pitakame Ikiningi doko lalyalapale lao pia. Ikiningi doko lalyala naenge endakali dokome baa epena leamo Takange doko lalyala naenge.

24 “Nambame ⁿ nyakama etete kiningi langilyona, nambanya pii doko sepala namba puu leamo doko lao masoo minilyamo endakali doko lete etete katenge. Baa Goteme pii setala nayata. Daa, baa kumingi doko yakinatala lete katenge doko nyepelyamo. 25 Nambame ^o nyakama etete kiningi langilyona, yuu gii ipanya pingi doko, indupa ipatelyamona, endakali kumapae dupame Gote Ikiningi dokonya pii doko sepala lete katatami. 26 Lete ^p katenge doko Takange tange-kisa singiliaka pyoo Ikiningi doko-kisa apata sina lao lete katenge tenge doko Takangeme Ikiningi maiya. 27 Baa ^q Endakalinya Ikiningi dokonyana, endakali dupa yapenge pupu lapae doko apata baa maiyaka. 28 Nyakamame ^{r
,} ^s dokonya mona andala nayalapape. Doko, yuu gii doko ipatamo dokopa endakali kumapae malu petae katatamino dupa pitakame baanya pii sepala sakatatami. Mana epe miniami dupa lete etete kalyanya sakatatami. Mana koo miniami dupa kosimi lena lao sakatatami.

Jisasanya lao pii leamino dupa

30 “Namba ^t tangeme masoo kapa pao mende pyaa naenge. Nambanya Takangeme langilyamopa singi pii doko watao nambame endakali dupa yapenge doko tolatae. Doko, namba tangeme pyuani kaelyoli pyoo pyaa naenge. Namba puu leamo dokome pipili lao masilyamoli pyoo pingi. 31 “Nambame ^u namba tangenya lao pii lamaipuli kandao doko, nambanya pii lamaipu doko sambo jipyali. 32 Mendeme ^v nambanya lao pii lamaiyoo kalyamo. Dokome nambanya lao pii lamailyamo doko nambame kiningina lao masilyo. 33 Nyakamame ^w endakali mendapua Jone kateasa pena leaminopa, baame pii kiningi lamaiya. 34 Dopaka ^x doko, nambame endakali mende-kisa pii nyala naenge. Nambame pii langilyo dokome nyakama pyoo nyepae kalyepale lao langilyo. 35 Jone ^y baa kia kaiyepaele dokome endakali dupa tii pisia. Dopa piamopa nyakama baanya tii pipae dokome gii kuki mende mona yaepao katawani kayami. 36 Dopaka ^z doko, mendeme Jone ita minao namba panasilyamo. Nambanya Takange dokome kalai mendapua pyoo setao pipi lao namba dia. Kalai pilyo dutupame Takange dokome namba puu leamo doko panelyamo. 37 Dee ^aa namba puu leamo Takange dokome nambanya lao lao panea. Nyakamame baanya pii doko kukipi mende nasoo baanya enomba nakandeami. 38 Doko, ^ab baame epena leamo dokonya pii doko nyakamame masoo minala naelyamino dokonya baanya pii doko nyakama-kisa nasilyamo. 39 Nyakamame ^ac Gotenya pii pepa pyapae singi dokome lete etete katasingina lao masetala yapokondape pilyamino. Pii lapae silyamo dupame nambanya lao lapae silyamo! 40 Dopaka ^ad doko, nyakamame namba-kisa lete katenge doko nyala naipumana lao masilyamino.

41 “Namba endakalimi lalyina lao nakalyo. 42 Dopaka ^ae doko, nambame nyakama kandatelyona, nyakamanya moname Gote auu nakaelyamino. 43 Namba ^af Takangeme puu leamopa baanya pii minao epeona, nyakamame nambanya pii doko nasilyamino. Dopaka doko, endakali mende baa tangeme masoo ipatamo kandao doko, nyakamame baanya pii doko sakamaitami. 44 Nyakama ^ag Gote mendai iki dokome lalyina lao nakatenya, nyakama tangelapo mende lalyaloo pyoo kalyaminona aipa petala kapa pao masoo minatamipi?

45 “Nambame ^ah nyakama Takange-kisa kosimi latena lao masala nayalapape. Nyakama kosimi latamo doko Mosesena, nyakamame baa tungi pilyamino. 46 Nyakamame ^ai Mosese masoo minamili kandao doko, namba masoo minamili. Doko, baame nambanya lao pepa pia. 47 Dopaka doko, nyakamame Moseseme pii pepa piamo dupa masoo minala nayatamino kandao doko, aipa petala nambanya pii dupa masoo minatamipi?” Jisasame dopa lea.